Efnalaugin Björg á Háaleitisbraut hefur ávallt verið í eigu sömu fjölskyldunnar og þriðja kynslóð fjölskyldunnar hefur tekið við rekstri félagsins Upphaf Efnalaugarinnar má rekja til þess þegar Magnús Kristinsson, fæddur árið 1923, keypti hana árið 1953. „Afi minn kaupir efnalaugina sem var þá staðsett á horninu við Framnesveg og Sólvallagötu. Hann flytur síðan starfsemina yfir á Háaleitisbrautina þrettán árum síðar. Tengdasonur hans, og pabbi minn Kristinn Guðjónsson, kemur síðan inn í reksturinn árið 1984 auk dóttur afa míns. Árið 1987 opnar efnalaugin síðan Efnalaugina Björg í Mjódd þar sem frændfólk mitt rekur og þar er einmitt þriðji ættliður líka tekinn við. Rekstrareiningarnar eru reknar í sitt hvoru lagi frá árinu 2000 en áherslan er ávallt á persónulega þjónustu og vönduð vinnubrögð.“ segir Kristinn.